२०८२ असार २१ गते, शनिबार

काठमाडौँ । कलाकार लक्ष्मी श्रेष्ठको निधन भएको छ । हास्य टेलिसिरियल ‘मेरी बास्सै’ मा ‘अप्सरा आमा’को पात्रको भूमिका निर्वाह गरेर चर्चामा आएकी कलाकार लक्ष्मी श्रेष्ठको शुक्रबार निधन भएको हो ।
स्तन क्यान्सर रोगबाट केही महिनादेखि घरमै थलिएकी उनको शुक्रबार राती निधन भएको बताईएको हो । दसैंदेखि अस्वस्थ भएकी उनलाई चार महिनाअघि भक्तपुर क्यान्सर अस्पताल भर्ना गरिएको थियो।
एक महिनाअघि अस्पतालले उपचार सम्भव नभएको भन्दै घर फर्काइदिएको थियो। त्यसयता उनी काठमाडौंको कपन बालुवाखानीस्थित घरमै थिइन्। कलाकारितामा लामो समय बिताएकी श्रेष्ठले ‘जिरे खुर्सानी’ ‘कान्छी’, ‘उल्टो सुल्टो’ सहित अन्य केही सिरियल, थुप्रै फिल्म र म्युजिक भिडिओमा समेत अभिनय गरेकी थिइन् ।