२०८० मंसिर १९ गते, मंगलवार

काठमाडौँ । सर्वोच्च अदालतमा टिकटकमा प्रतिबन्ध लगाउने सरकारविरुद्ध परेको रिटमा आज पूर्ण सुनुवाइ हुँदैछ । गत मंसिर ५ गते न्यायाधीश विनोद शर्माको एकल इजालासले अन्तरिम आदेश दिन अस्वीकार गर्दै मंसिर १५ गतेभित्र टिकटक बन्द गर्नुको कारणसहितको लिखित जवाफ पेस गर्न सरकारका नाममा आदेश दिएको थियो । १४ वटा मुद्दाको आज एकै पटक सुनुवाइ हुन लागेको छ । गत कार्तिक २७ गते बसेको मन्त्रिपरिषदको बैठकले सामाजिक सद्भाव बिथोलिन थालेको भन्दै टिकटकमाथि प्रतिबन्ध लगाउने निर्णय गरेको थियो ।