संगीत उद्योग संघको कार्यालयमा प्रहरीको छापा
२०८१ भाद्र ५ गते, बुधबार
काठमाडौँ । नेपाल प्रहरीको मानव बेचबिखन ब्यूरोले काठमाडौंको अनामनगरस्थित नेपाल संगीत उद्योग संघको कार्यालयमा छापा मारेको छ । प्रहरी टोलीले संघको कार्यालयबाट केही कागजात र कम्प्युटर बरामद गरेको छ ।
आममानिसलाई नक्कली कलाकार, गायकको कागजात बनाएर अस्ट्रेलियामा पठाउने गरेको भन्दै समाचारहरू आएका थिए । उक्त समाचारहरू बाहिरिएपछि ब्युरोको टोलीले छापा मारेको ब्युरो प्रवक्ता एवं एसपी गौतम मिश्रले बताए ।
संगीत उद्योग संघका पदाधिकारीको रोहबरमा छापा मारेको उनले जानकारी दिए । त्यहाँबाट प्रहरीले कागजात बरामद गरेको छ । घटनामा प्रहरीले कसैलाई नियन्त्रणमा भने लिएको छैन ।
