२०८३ आश्विन २० गते, मंगलवार

काठमाडौँ । प्रहरीले पर्साको वीरगञ्जबाट भन्सार छली भारतबाट ल्याइएका १० लाख ६ हजार ७ सय ६० रुपैयाँ बराबरका मोबाइल, कस्मेटिक सामान र स्याउ बरामद गरेको छ। प्रहरीले वीरगञ्ज महानगरपालिका–१४ गण्डक चोकबाट भारतबाट भन्सार छली ल्याइएका एप्पल कम्पनीका आइफोन–१७ तीन थान र आइफोन–१५ एक थान बरामद गरेको र बरामद मोबाइलको मूल्य पाँच लाख ५२ हजार २१० रुपैयाँ रहेको जनाएको छ।
त्यस्तै, प्रहरीले वीरगञ्ज महानगरपालिका–१६ रजतजयन्ती चोकबाट भन्सार छली ल्याउँदै गरेको ४ लाख ५४ हजार ५५० रुपैयाँ बराबरका कस्मेटिक सामान र स्याउ बरामद गरिएको जनाएको छ। बरामद सबै सामानको कुल मूल्य १० लाख ६ हजार ७ सय ६० रुपैयाँ रहेको प्रहरीले जनाएको छ ।