२०७० जेष्ठ २५ गते, शनिबार

बनेपा, २५ जेठ । नेपाल तामाङ राष्ट्रिय मुक्ति मोर्चाको केन्द्रीय युवा विभागले गरेको प्रथम राष्ट्रिय युवा भेला तथा प्रशिक्षण कार्यक्रमलाई धुलिखेलमा सम्बोधन गर्दै नेकपा–माओवादीका महासचिव राम बहादुर थापा बादलले वर्तमान सरकार विघटन गरी देशभक्तहरुको नेतृत्वमा नयाँ सरकार गठन गरिनुपर्ने बताएका छन ।
महासचिव बादलले देशभक्तहरुको आन्दोलनले निकट भविष्यमै गति लिने दावी समेत गरे ।
उनले सुगौली सन्धिदेखि नै देशको स्वाधीनता गम्भीर सङ्कटमा परेको बताउँदै त्यसको समाधान खोज्न युवा वर्ग अघि सर्नुपर्ने बताए । भेलामा देशभरबाट झण्डै २५० तामाङ युवाको सहभागिता रहेको छ