२०८३ कार्तिक २ गते, आईतवार

काठमाडौँ । चीनसँगको प्रमुख व्यापारिक तातोपानी नाका आजदेखि तीन दिनका लागि अस्थायी रूपमा खुल्ने भएको छ। दशैँलाई लक्षित गरी नेपाली बजारमा उपभोग्य वस्तुको आपूर्ति सहज बनाउन नेपाल सरकारको आग्रहमा चिनियाँ पक्ष नाका खोल्न सहमत भएको हो।
उद्योग, वाणिज्य तथा आपूर्ति मन्त्रालयका अनुसार कात्तिक १ देखि ३ गतेसम्म नाका सञ्चालनमा रहनेछ। यस अवधिमा चिनियाँ भूमिमा रोकिएका तथा भन्सार प्रक्रिया पूरा भएका कार्गो ट्रक र मालवाहक सवारीसाधनलाई मात्र सीमा पार गर्न अनुमति दिइनेछ। गत भदौ १५ देखि बन्द रहेको नाकामा दशैँलक्षित कपडा, फलफूल र अन्य सामग्री बोकेका दर्जनौँ कन्टेनरहरू रोकिएका थिए।
स्थानीय प्रशासन र भन्सार कार्यालयका कर्मचारीहरूलाई नाका सञ्चालनका लागि तयारी अवस्थामा रहन निर्देशन दिइसकिएको छ। नाका तीन दिनका लागि खुलेसँगै चाडपर्वका बेला बजारमा उपभोग्य वस्तुको अभाव नहुने र व्यवसायीहरूले राहत पाउने मन्त्रालयको भनाइ छ।