२०७९ श्रावण २० गते, शुक्रबार

काठमाडौं । जिल्ला प्रहरी कार्यालय चितवनले पहिरो खस्दा मुग्लिन–नारायणगढ सडक खण्ड फेरि अवरूद्ध भएको जानकारी दिएको छ । चितवनको भरतपुर महानगरपालिका–२९ केराबारीमा पहिरो खसेका कारण आज बिहान २ बजेदेखि सडक पुर्णरुपमा अवरूद्ध भएको हो। दुई वटा डोजरको सहयोगमा पहिरो पन्छाउने काम भइरहेको र सबै पहिरो हटाएर बाटो खुलाउन केही समय लाग्ने प्रहरीको भनाइ छ । रोकिएका सवारी साधनको राजमार्गमा लामो लाम लागेको छ ।